ტაბულას შესახებ

ტაბულა ჟურნალის, ვებგვერდისა და ტელევიზიის მეშვეობით საზოგადოებას სთავაზობს ღია ფორუმს ინფორმირებული დისკუსიებისათვის, რომელიც საზოგადოებრივი ინფორმირებულობისა და ჩართულობის ზრდით დაეხმარება საქართველოს მოქალაქეებს, დაიცვან საკუთარი პიროვნული, ეკონომიკური და ეროვნული თავისუფლება.

ჩვენი მიზანია, კრიტიკული აზროვნების წახალისებითა და ჟურნალისტიკის პროფესიული სტანდარტების დაცვით, ხელი შევუწყოთ პროდასავლურ ორიენტაციას, პოლიტიკური პლურალიზმისა და თავისუფალი ბაზრის განვითარებას, ადამიანის უფლებებისა და კანონის უზენაესობის დაცვას.

მკაფიო სარედაქციო პოლიტიკასთან ერთად, მკვეთრად გამიჯნული იქნება ფაქტი და კომენტარი. ჩვენი მკითხველი და მაყურებელი მიიღებს ზუსტ ინფორმაციას და იდეათა ფართო სპექტრს, რაც მას შესაძლებლობას მისცემს, გააანალიზოს განსხვავებული შეხედულებები და, როგორც მოქალაქემ, გააკეთოს ინფორმირებული არჩევანი.

ტაბულა სამოქალაქო განათლების ფონდმა დააარსა მემარჯვენე, ლიბერტარიანული მსოფლმხედველობის ბიზნესმენთა ფინანსური მხარდაჭერით. სამოქალაქო განათლების ფონდი 2010 წელს დაფუძნდა. ფონდის გამგეობის წევრები: არიან: ბექა მინდიაშვილი, გია ნოდია, თამარ ჩერგოლეიშვილი, გიგა ზედანია, ქეთი დევდარიანი, დავით პაიჭაძე, ლევან რამიშვილი, ნინო გოგიბერიძე, დავით კოვზირიძე, კახა ბენდუქიძე, გიორგი ლიფონავა, ბაადურ მალაზონია, გიორგი ფრუიძე, ირაკლი საღინაძე, ალექსი მაჭავარიანი.

ფონდის ერთ-ერთი პროექტია ჟურნალი ტაბულა, რომელიც 2010 წლის 15 მარტიდან ყოველკვირეულად გამოიცემოდა, 2013 წლის 1 ნოემბრიდან კი ყოველთვიურად გამოდის. გარდა ამისა, 2010 წლის მაისიდან ყოველთვიურად გამოიცემა ტაბულას ინგლისურენოვანი ვერსია, რომელიც საქართველოში მყოფ დიპლომატიურ კორპუსსა და უცხოურ არასამთავრობო ორგანიზაციებს ქვეყანაში მიმდინარე პროცესების ანალიზს სთავაზობს. 2010 წლის მაისიდან ტაბულა ინფორმაციას ვებგვერდის tabula.ge-ს მეშვეობითაც აწვდის.

სამოქალაქო განათლების ფონდმა, მედიაბაზარზე საქმიანობის გაფართოების მიზნით, 2012 წლის 15 ოქტომბერს შეიძინა სატელევიზიო სიხშირე, რომელზეც საცდელ მაუწყებლობას 2013 წლის 9 იანვრიდან ახორციელებს.

ტაბულას მთავარი რედაქტორი და ტელეკომპანია ტაბულას დირექტორი თამარ ჩერგოლეიშვილია.

სარედაქციო ჯგუფი

თამარ ჩერგოლეიშვილი, ლევან რამიშვილი, ნინო საითიძე, ნიკა კუპრაშვილი, ნოდარ დავითური, დავით კოვზირიძე, ალექსი მაჭავარიანი, ნინო მაჭარაშვილი, დიმიტრი ავალიანი, სალომე უგულავა, ლევან სუთიძე, ირაკლი კიკნაველიძე, მარინე ახსიაშვილი, ია პატატიშვილი, ხატია ღოღობერიძე, თამარ ჩიკვილაძე, თინათინ ერაძე, სოფო გელავა, თათული ჯანჯღავა, შოთა ტყეშელაშვილი.