რაგბის ევროპის ჩემპიონატის მე-4 მატჩში საქართველოს ნაკრებმა "აია არენაზე" გერმანია 52:3 დაამარცხა.
მატჩის საუკეთესო მოთამაშედ საქართველოს ნაკრებისა და ქუთაისის "აიას" მორაგბე მირიან მოდებაძე დასახელდა, რომელმაც 3 ლელო მიითვალა. ქუთაისის მერმა, გიორგი ჭიღვარიამ, მორაგბე დააჯილდოვა და მას ხმალი გადასცა.
საქართველოს ნაკრებს ოთხიდან ოთხი მოგება აქვს და ჯგუფში პირველ ადგილზეა.
მომდევნო მატჩს "ბორჯღალოსნები" 17 მარტს, სტუმრად რუსეთთან გამართავენ.