საზოგადოებრივი ტრანსპორტი

მერია: მომავალ წელს თბილისში გვეყოლება ახალი საზოგადოებრივი ტრანსპორტი

ყვითელი ავტობუსები
Newspost.ge

თბილისის მერის მოადგილე ირაკლი ლექვინაძემ საგზაო დეპარტამენტის კონფერენციაზე საზოგადოებრივი ტრანსპორტის შეცვლაზე ისაუბრა.

ლექვინაძის განცხადებით, ყვითელი ავტობუსების განახლება მომავალი წლიდან დაიწყება.

"საზოგადოებრივ ტრანსპორტთან დაკავშირებით ჩვენ უკვე რამდენიმე თვეა აქტიურად ვმუშაობთ "EBRD"-სთან. გვაქვს სხვადასხვა სახელმწიფო უწყების მხარდაჭერაც და მომავალი წლის გარკვეულ პერიოდში თბილისში გვეყოლება ახალი საზოგადოებრივი ტრანსპორტი", - განაცხადა ირაკლი ლექვინაძემ.

აღსანიშნავია, რომ ამ დროისთვის თბილისის მერიაში ვერ აზუსტებენ თუ რა ვადებში შეიცვლება და რა თანხა დასჭირდება ავტოპარკის სრულ განახლებას.                                                                                                                                                                                                                                                                                                                                                                                                                                                                                                                                                                                                                            

კომენტარები