პრეზიდენტის შეწყალება

პრეზიდენტმა 152 მსჯავრდებული შეიწყალა

0 კომენტარი
გიორგი მარგველაშვილი ფოტო: argumenti.ge

საქართველოს პრეზიდენტმა გიორგი მარგველაშვილმა შეწყალების მორიგი აქტი გამოსცა. შეწყალების საკითხთა კომისიის თავმჯდომარემ ზვიად ქორიძემ დღევანდელ პრესკონფერენციაზე განაცხადა, რომ პრეზიდენტმა 152 მსჯავრდებული შეიწყალა - მათგან 14 ქალი და 8 არასრულწლოვანი. ქორიძის თქმითვე, 103 მსჯავრდებული საპატიმრო დაწესებულებას დღესვე დატოვებს (მათ შორის, 7 ქალი და 2 არასრულწლოვანი). 49 მსჯავრდებულს კი, სასჯელი სხვადასხვა დოზით შეუმცირდა.

"საკმაოდ ფართო სპექტრია დანაშაულების. ძირითადი ნაწილი, როგორც სხვა შეწყალების აქტებზეც ყოფილა, დაკავშირებულია ნარკოტიკული დანაშაულების ტიპთან, ძირითადად, ნარკოტიკული საშუალების მოხმარებასთან და შეძენა-შენახვასთან", - თქვა ზვიად ქორიძემ.

პრეზიდენტის ადმინისტრაციის ცნობით, გიორგი მარგველაშვილმა გადაწყვეტილება შეწყალების საკითხთა კომისიის მიერ მიწოდებული რეკომენდაციების საფუძველზე მიიღო.

კომისიის სხდომა 2015 წლის 28-30 სექტემბერს გაიმართა და მან 910 პირის საქმე განიხილა.

არჩევნები 2018

ახალი ვიდეო მეტი ვიდეო

კარინა ყენია

კომენტარები