დაგეგმილი სამუშაოების გამო, თბილისის ნაწილს დღეს ელექტროენერგიის მიწოდება დროებით შეუწყდება. კომპანია თელასის ცნობით, შეზღუდვა შეეხება საბურთალოს, ვაკის, სამგორის, ისნის, კრწანისის რაიონებს.
საბურთალოს რაიონში 10:00-დან 17:00 საათამდე შეზღუდვა შეეხება ვაჟა-ფშაველას გამზირის, პეკინის გამზირის, კოსტავას და პეტრიწის ქუჩების მცხოვრებლებს. 11:00-დან 16:00-მდე კი, პეტრიწის ქუჩის მცხოვრებლებს. ასევე გეგმური სამუშაოების გამო, 11:00-დან 13:00-მდე ელექტროენერგიის მიწოდება შეუწყდება ნუცუბიძის პლატოს I მიკრორაიონის მცხოვრებებს.
სამგორის რაიონში 11:00-დან 15:00-მდე შეზღუდვა შეეხება: ვარკეთილის III მასივის "დ" ქუჩის და კოლოუბნის ქუჩის მცხოვრებებს. ვაკის რაიონში კი, 10:00-დან 18:00-მდე - ილია ჭავჭავაძის გამზირის (ნაწილობრივ) მცხოვრებლებს.
კრწანისის რაიონში გეგმური სამუშაოების გამო 11:00-დან 12:00-მდე დენი არ ექნება ფონიჭალის დასახლების, ფონიჭალის III, IIIა მიკრორაიონების, ღოღობერიძის, ჟორდანიას და სურგულაძის ქუჩების მცხოვრებებს. ხოლო ისნის რაიონში 10:00-დან 17:00-მდე - წმინდა ქეთევან დედოფლის გამზირის (ნაწილობრივ), სართიჭალას, ქურხულის, ხერხეულიძის, იზაშვილის, ბადიაურის და ფოსტის ქუჩების მცხოვრებებს.
"კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება" - აცხადებს თელასი.