სირიის მთავრობა ე.წ. ისლამური სახელმწიფოს წინააღმდეგ მებრძოლ ამერიკის მიერ შექმნილ კოალიციას სირიის არმიის ბანაკზე საჰაერო თავდასხმაში ადანაშაულებს. მათი თქმით, მოკლულია 3 ჯარისკაცი, დაჭრილია - 13.
სირიის მთავრობამ ამ საკითხთან დაკავშირებით "გაეროში" საპროტესტო წერილი გააგზავნა.
წერილში ისინი აცხადებენ, რომ მათ საჯარისო ბანაკს ამერიკის მიერ შექმნილი კოალიციის 4 ბომბდამშენი დაესხა თავს.
იმ შემთხვევაში, თუ საჰაერო თავდასხმები დადასტურდება, ეს იქნება პირველი შემთხვევა, როდესაც ამერიკის მიერ შექმნილი კოალიცია სირიის სამთავრობო ძალებს დაესხა თავს.