ლაგოდეხის გამგებლის, კახა ჯამბურიას განცხადებით, ლაგოდეხის მთებში დაკარგული სამი მონადირე დაღესტანში მესაზღვრეებმა დააკავეს. თუმცა კახეთის გუბერნატორი ირაკლი შიოლაშვილი ვერ ადასტურებს, არიან თუ არა ეს ადამიანები 9 დღის წინ ლაგოდეხიდან დაკარგული მონადირეები. მისივე თქმით, სამძებრო სამუშაოები კვლავ გრძელდება.
შეგახსენებთ, რომ სოფელ მსხალგორიდან ოთხი მამაკაცი 28 დეკემბერს სანადიროდ მთებში წავიდა. სამი დღის შემდეგ ერთ-ერთმა სოფელში დაბრუნება შეძლო, დანარჩენებს კი ამ დრომდე ეძებდნენ.
