სულ მცირე 11 ადამიანი ემსხვერპლა ძლიერ მიწისძვრას ტაივანში, ქალაქ ტაინანში. დანგრეულია შენობები, დაშავდა ასობით ადამიანი.
6.4 მაგნიტუდის მიწისძვრა ადგილობრივი დროით გამთენიისას, 04:00 საათზე მოხდა, როდესაც ადამიანების უმრავლესობა სახლებში იმყოფებოდა და ეძინა.
გარდაცვლილთა შორის ბავშვიცაა. ის ერთერთია იმ ოთხი ადამიანიდან, რომელიც მაღალსართულიანი საცხოვრებელი სახლის ჩამონგრევას ემსხვერპლა.
BBC-ის ცნობით, დაკარგულად ითვლება, სულ მცირე, 30 ადამიანი. ვარაუდობენ, რომ გადარჩენილები ნანგრევებში არიან მოყოლილნი და შველას საჭიროებენ. მაშველებმა უკვე გადაარჩინეს რამდენიმე ასეული ადამიანი.