საფრანგეთის შინაგან საქმეთა მინისტრის, ბერნარდ კაზნევის მიერ ინიცირებულ კანონპროექტს ქვეყანაში საგანგებო მდგომარეობის გახანგრძლივების შესახებ, საფრანგეთის პარლამენტის ზედა პალატამ 316 - 28 -ის წინააღმდეგ მხარი დაუჭირა. ადგილობრივი მედიის ცნობით, ქვეყანაში საგანგებო მდგომარეობა 3 თვით გახანგრძლივდება.
საფრანგეთის პარლამენტის ქვედა პალატის წარმომადგენლების 75 %-მა კენჭისყრაში მონაწილეობისგან თავი შეიკავა. ქვედა პალატაში კანონპროექტის განხილვა 16 თებერვალს იგეგმება.
ცნობისთვის, საფრანგეთში საგანგებო მდგომარეობა 2015 წლის 13 ნოემბერს მომხდარი ტერაქტის შემდეგ გამოცხადდა. პარიზში მომხდარ ტერაქტებს 130 ადამიანის სიცოცხლე ემსხვერპლა.