ქუთაისში, პარლამენტთან მარიხუანის დეკრიმინალიზაციის კანონპროექტის მხარდამჭერი აქციის დასრულების შემდეგ დაკავებული პირი, გიორგი ბ. ნარკოლოგიურიდან აქციის ორგანიზატორების მისვლის შემდეგ გამოუშვეს. სამართალდამცველებმა ადგილზე მყოფ ტაბულას კორესპონდენტს უთხრეს, რომ გიორგი ბ-ს დაკავების მიზეზი ოპერატიული ინფორმაცია იყო.
დღეს აქციის "არ დაიჭირო!" დასრულების შემდეგ გიორგი ბ. მანქანიდან გადმოსვეს და ჯერ ქუთაისის მეოთხე განყოფილებაში წაიყვანეს, შემდეგ კი ნარკოლოგიურში გადაიყვანეს.
რაც შეეხება კანონპროექტს, მას 2 მარტს უყრიან კენჭს.