თავისუფალი ვაჭრობა

შვეიცარიასა და ნორვეგიასთან ივნისიდან თავისუფალი სავაჭრო რეჟიმი ამოქმედდება

0 კომენტარი
ფოტო: Getty Images

27 ივნისს შვეიცარიის დედაქალაქ ბერნში ხელი მოეწერა საქართველოსა და EFTA-ს წევრ ქვეყნებთან თავისუფალ სავაჭრო რეჟიმს. EFTA აერთიანებს ოთხ ევროპულ სახელმწიფოს: შვეიცარიის კონფედერაციას, ნორვეგიის სამეფოს, ისლანდიის რესპუბლიკასა და ლიხტენშტაინს. ამ ქვეყნების მოსახლეობა 13 მილიონს შეადგენს და ის ევროპის კონტინენტის მასშტაბით ერთ-ერთი ყველაზე მაღალი მსყიდველუნარიანობით გამოირჩევა. 

მოლაპარაკებების წარმატებით დასრულება ქართულ მხარეს EFTA-ს დელეგაციის ხელმძღვანელმა, ჟან ფარბერგმაც მიულოცა. მისი განცხადებით, ძალიან მნიშვნელოვანია, რომ მხარეებს შორის მოლაპარაკებები ძალიან მოკლე დროში, ექვს თვეში დასრულდა.

EFTA-ს წევრ ქვეყნებთან ვაჭრობის მოცულობა საკმაოდ მცირეა, მეტიც, ამ ქვეყნებიდან ორში - ლიხტენშტაინსა და ისლანდიაში, 2015 წლის მანძილზე ექსპორტი არ ფიქსირდება. ნორვეგიაში კი ექსპორტი გასულ წელს მხოლოდ $56 ათასი იყო. შედარებით უფრო დიდი სავაჭრო ურთიერთობები საქართველოს შვეიცარიასთან აქვს, მასში წინა წელს $30 მილიონის ღირებულების ქართული პროდუქტი გავიდა. EFTA-ს წევრი ქვეყნებიდან იმპორტის მოცულობა კი წელს დაახლოებით $70 მილიონი იყო. იმპორტშიც $62 მილიონით წამყვანი ადგილი შვეიცარიას უჭირავს. 

საქართველოსთან შესაბამისი მოლაპარაკებების დაწყების თაობაზე დადებითი გადაწყვეტილება 2014 წლის 17 ნოემბერს ჟენევაში გამართულ EFTA-ს მინისტერიალზე მიიღეს. აღსანიშნავია, რომ თავდაპირველად, EFTA-ს ქვეყნებთან თავისუფალი ვაჭრობის შესახებ შეთანხმებაზე მოლაპარაკებების დასასრულებლად გათვალისწინებული იყო ოთხი რაუნდი, თუმცა მხარეებს შორის ეფექტური და ნაყოფიერი თანამშრომლობის შედეგად, მოლაპარაკებების წარმატებით დასრულება სამ რაუნდში გახდა შესაძლებელი.
 

ახალი ვიდეო მეტი ვიდეო

თინათინ წულაძე

კომენტარები