პაკისტანის ქალაქ ლაჰორში 3-დღიანი გლოვაა გამოცხადებული. უკანასკნელი მონაცემებით, გუშინ მომხდარ ტერაქტს 70 ადამიანი ემსხვერპლა, მათ შორის 29 ბავშვი.
BBC-ის ცნობით, თვითმკვლელმა ტერორისტმა თავი ქალაქის ცენტრში მდებარე საბავშვო სათამაშო მოედანთან აიფეთქა.
მომხდარზე პასუხისმგებლობა ტერორისტული დაჯგუფება თალიბანის ქვედანაყოფმა, "თალიბანის პაკისტანურმა მოძრაობამ" აიღო. მათი ერთ-ერთი ლიდერის განმარტებით, მთავარი სამიზნე ქრისტიანი მამაკაცები იყვნენ, რომლებიც აღდგომას აღნიშნავდნენ.
ოფიციალური მონაცემებით, დაშავებულთა რიცხვი 300-ზე მეტია, მოსალოდნელია დაღუპულთა რაოდენობის ზრდაც.
