ჩეხეთის რესპუბლიკა ქვეყნის სახელწოდების მარტივად სათქმელად ინგლისურ ენაში Czechia-ს ოფიციალურ შემოტანასა და დამკვიდრებას გეგმავს. ინიციატივა საგარეო საქმეთა მინისტრ ლუბომირ ზაორალეკს ეკუთვნის.
მინისტრი იმედოვნებს, რომ პრემიერმინისტრი, პრეზიდენტი, თავდაცვის მინისტრი და სხვები ჩეხეთის რესპუბლიკის ალტერნატიულ სახელწოდება Czechia-ს მხარს დაუჭერენ.
თუ შეთანხმება მიიღწევა, ჩეხეთის რესპუბლიკა Czechia-ს გაეროს გეოგრაფიული სახელწოდებების მონაცემთა ბაზაში დაამატებს.
აღსანიშნავია, რომ ჩეხეთის პრეზიდენტმა მილოშ ზემანმა შემოკლებული ვერსია Czechia უკვე გამოიყენა სიტყვით გამოსვლებზე ოფიციალური ვიზიტებისას.