რელიგია

საქსტატი: 83% მართლმადიდებელია, 11% მუსლიმი, 3% კი სომეხთა ეკლესიის წევრი

0 კომენტარი
ფოტო: flickr.com

საქსტატმა დღეს მოსახლეობის საყოველთაო აღწერის დაზუსტებული შედეგების პრეზენტაცია გამართა, საიდანაც ირკვევა, რომ საქართველოს მოსახლეობა 3 713 804 ადამიანს შეადგენს. საქსტატმა გამოკითხულ ადამიანებს მათი რელიგიური აღმსარებლობის შესახებაც დაუსვა კითხვა. საიდანაც ირკვევა, რომ მოსახლეობის 83.4% თავს მართლმადიდებელ ქრისტიანად მიიჩნევს, 10.7% მუსლიმური რელიგიის აღმსარებელია, სომხური სამოციქულო ეკლესიის მიმდევარი კი 2.9%-ია. 

აღმსარებლობათა მიხედვით საქართველოს მოსახლეობის განაწილება ასე გამოიყურება:

  1. მართლმადიდებლური ქრისტიანობა - 3 მილიონი ადამიანი, 83.4%
  2. მუსლიმური - 398 ათასი ადამიანი, 10.7%
  3. სომხური სამოციქულო ეკლესია - 109 ათასი ადამიანი, 2.9%
  4. კათოლიკური ქრისტიანობა - 19.2 ათასი, 0.5%
  5. იეჰოვას მოწმე - 12.4 ათასი ადამიანი, 0.3%
  6. იეზიდური - 8.6 ათასი ადამიანი, 0.2%
  7. პროტესტანტური - 2.5 ათასი ადამიანი, 0.1%
  8. იუდეური - 1.4 ათასი ადამიანი, 0.0%
  9. სხვა - 1.4 ათასი ადამიანი, 0.0%
  10. არცერთი - 19.1 ათასი ადამიანი, 0.5%
  11. უარი პასუხზე - 9.6 ათასი ადამიანი, 0.3%
  12. არ არის მითითებული - 34 ათასი ადამიანი, 0.9%

საქსტატის მონაცემებით გამოდის, რომ თავს რომელიმე რელიგიური აღმსარებლობის მიმდევრად აღიარებს მოსახლეობის 98.1%, რაც მსოფლიოში რელიგიურობის ერთ-ერთი ყველაზე მაღალი მაჩვენებელია. 

საყოევლთაო აღწერის რელიგიურ ნაწილთან დაკავშირებით აღწერის ჩატარების დროს 2014 წელს გამოიკვეთა შემთხვევები, როდესაც აღმწერები მოქალაქეებს კითხვის დასმის გარეშე რელიგიის გრაფაში მართლმადიდებლობას მიუთითებდნენ.

ახალი ვიდეო მეტი ვიდეო

ლაშა ბუღაძე

კომენტარები