ბოტანიკური ბაღის მიმდებარედ არსებული 29 ჰექტარი მიწის ნაკვეთი, სავარაუდოდ, ბიძინა ივანიშვილის მიერ დაფუძნებულმა თანაინვესტირების ფონდმა შეიძინა. ამასთან დაკავშირებით ფონდის სამეთვალყურეო საბჭოს თავმჯდომარე ირაკლი ქარსელაძე დღეს, 19:00 საათზე სასტუმრო რედისონში პრესკონფერენციას გამართავს.
თბილისის მერიამ ბოტანიკური ბაღის მიმდებარედ 29.7 ჰექტარის მიწის ფართობი აუქციონზე 6 326 495 ლარად გაყიდა. მყიდველის ვინაობა ჯერჯერობით ოფიციალურად ცნობილი არ არის.
თანაინვესტირების ფონდი პროექტ პანორამა თბილისის პროექტს ახორციელებს, რისთვისაც ფონდმა კომპანია შპს ოლდ სიტი დეველოპმენტი დააფუძნა.
