თბილისის ყოფილი მერის გიგი უგულავას უკანონო პატიმრობასთან დაკავშირებით ევროსაბჭოს მხრიდან მუდმივი მონიტორინგი განხორციელდება. ევროსაბჭოდან მიღებულ წერილს საკრებულოს ფრაქცია ნაციონალური მოძრაობის წევრი სევდია უგრეხელიძე ავრცელებს.
უგრეხელიძის თქმით, როგორც წერილშია აღნიშნული, ევროსაბჭოს მონიტორინგისა და კონგრესის რეპორტიორების მხრიდან მუდმივად მოხდება გიგი უგულავას საქმესთან დაკავშირებით ინფორმაციის გამოთხოვა უწყებებიდან.
