ფლორიდის ქალაქ ორლანდოს გეი კლუბში მომხდარი შეიარაღებული თავდასხმის მსხვერპლთა რაოდენობა 50-მდე გაიზარდა, ამის შესახებ ორლანდოს მერმა ბადი დაიერმა საგანგებო ბრიფინგზე განაცხადა, მძიმედ დაშავებულთა რაოდენობა კი 50-ს აღწევს. BCC-ის ცნობით, ეს აშშ-ის ისტორიაში ყველაზე სისხლიანი შეიარაღებული თავდასხმაა. Reuters-ის ცნობით, FBI ტერორისტულ თავდასხმას სავარაუდოდ რადიკალურ ისლამს უკავშირებს.
თავდამსხმელი აშშ-ის მოქალაქე ომარ ს. მატინი იყო. Fox News-ის ცნობით, 29 წლის მატინი თავდასხმამდე რამდენიმე თვით ადრე ცეცხლსასროლი იარაღით ვარჯიშობდა.
თავდამსხმელმა გეი კლუბ "პულსში" შეჭრის შემდეგ 30 მძევალი აიყვანა და თავის აფეთქებით იმუქრებოდა. პოლიცია კლუბის აღებას სამი საათის მანძილზე ცდილობდა, საბოლოოდ კი კონტროლირებადი აფეთქებით მათ შენობაში შესვლა და თავდამსხმელის ლიკვიდაცია მოახდინეს.
ორლანდოს მერიამ სისხლის დონაციის საგანგებო კამპანია დაიწყო, რადგანაც დაშავებულთა დიდ ნაწილს მძიმე ჭრილობები აღენიშნება.
ფოტო: Reuters
ფოტო: EPA
ფოტო: Reuters
