ბოლო მონაცემებით, პროექტ მილიონი ხის ფარგლებში თბილისის მერიას 569 000 ხე აქვს დარგული. როგორც უწყებაში ტაბულას უთხრეს, ამისთვის 1 626 000 ლარი დაიხარჯა. შესაბამისად ერთი ხის ღირებულება 2 ლარსა და 85 თეთრს შეადგენს.
მილიონი ხის დარგვა დავით ნარმანიას წინასაარჩევნო დაპირება იყო.
ტაბულამ დღეს ვაკე-საბურთალოს დამაკავშირებელი მაგისტრალის გასწვრივ დარგული ხეები გადაიღო, რომელთა დიდი ნაწილი გამხმარია.
იმის გასარკვევად, ვის ევალება დარგული ხეების მოვლა-პატრონობა და რა ღონისძიებების გატარებას აპირებს მერია, ტაბულა უწყებასთან დაკავშირებას ცდილობს.