საგარეო საქმეთა სამინისტრო

მთავრობის საგანგებო განცხადება თურქეთში საგანგებო მდგომარეობის დაწესებაზე

0 კომენტარი
ფოტო: wikimedia.org

თურქეთში 90 დღიანი საგანგებო მდგომარეობა გამოცხადდა, საგანგებო მდგომარეობის დაწესებაზე საქართველოს საგარეო საქმეთა სამინისტრომ საგანგებო განცხადება გაავრცელა. განცხადებაში ნათქვამია, რომ საგანგებო მდგომარეობის გამო თურქეთის მთავრობას თავისუფლად გადაადგილების და სხვა უფლებათა შეზღუდვა შეუძლია დააწესოს, რის გამოც თურქეთში მცხოვრები ან ტრანზიტით მყოფი საქართველოს მოქალაქეები ყურადღებით უნდა იყვნენ. 

უცვლელად გთავაზობთ საგარეო საქმეთა სამინისტროს საგანგებო განცხადებას:

"საქართველოს მოქალაქეთა საყურადღებოდ!

თურქეთის რესპუბლიკაში გამოცხადდა 90 დღიანი საგანგებო მდგომარეობა.

საგანგებო მდგომარეობის პერიოდში, თურქეთის რესპუბლიკის ხელსიუფლებას ულება აქვს განვითარებული მოვლენების შესაბამისად, საჭიროების შემთხვევაში, ოპერატიულად დააწესოს გარკვეული შეზღუდვები, როგორც დროის კონკრეტულ მომენტსა და კონკრეტულ არეალში, ასევე მთელი ქვეყნის მასშტაბით. კერძოდ, შეზღუდოს ან გარკვეული პერიოდით აკრძალოს: ქვეყნიდან გასვლა და ქვეყანაში შემოსვლა; ქუჩაში გასვლა და გადაადგილება; ქვეითად ან ტრანსპორტით თავისუფლად გადაადგილება; განახორციელოს პიროვნებების პირადი შემოწმება, აგრეთვე სატრანსპორტო საშუალებებისა და მათი ნივთების შემოწმება, ჩამორთმევა და მათი მტკიცებულების სახით კონფისკაცია; პირადობის დამადასტურებელი დოკუმენტების კონტროლი, ასევე, დააწესოს ცალკეულ რეგიონებში შესასვლელად სპეციალური საშვების წარმოდგენის აუცილებლობა და სხვა.

თურქეთის რესპუბლიკაში შექმნილი ვითარებიდან გამომდინარე,საქართველო-თურქეთის სახელმწიფო საზღვრის თურქული მონაკვეთის სასაზღვრო-გამშვები პუნქტები (სარფი, ვალე, კარწახი) მუშაობენ საგანგებო რეჟიმში. რაც შეეხება ავიაფრენებს, გამკაცრებული უსაფრთხოებისა და კონტროლის ზომებიდან გამომდინარე, აუცილებელია მგზავრები 5-6 საათით ადრე გამოცხადნენ აეროპორტებში.

საჭიროების შემთხვევაში საქართველოს მოქალაქეებს შეუძლიათ დარეკონ:

თურქეთში საქართველოს საელჩოს ცხელ ხაზზე: +905336903040;

სტამბოლში საქართველოს გენერალური საკონსულოს ცხელ ხაზზე: +905418184400

ტრაპიზონში საქართველოს გენერალური საკონსულოს ცხელ ხაზზე: 
+ 90541 326 22 26

საგარეო საქმეთა სამინისტროს ცენტრალური აპარატის ცხელი ხაზზე: 577984020" - წერია სამინისტროს განცხადებაში.

ახალი ვიდეო მეტი ვიდეო

შსს-მ გაავრცელა ჩანაწერი, როდესაც ფოტოგრაფმა იაკობ ბრეგვაძემ 112-ში დარეკა (აუდიო)

კომენტარები