ეროვნულ-დემოკრატიული ინსტიტუტი (NDI) ივნისის საზოგადოებრივი აზრის კვლევის პოლიტიკურ ნაწილს აქვეყნებს. კითხვაზე, რომელი საკითხი იქნება მათთვის ყველაზე მნიშვნელოვანი საპარლამენტო არჩევნებში ხმების მიცემისას, მოსახლეობის 41% პარტიის ეკონომიკურ პოლიტიკას ასახელებს, პარტიის პოლიტიკას ჯანდაცვასთან დაკავშირებით - 14%, პარტიის პოზიციას ეროვნულ უსაფრთხოებაზე - 11%.
გამოკითხულები ასევე მნიშვნელოვნად ასახელებენ პარტიის პოზიციას კანონის უზენაესობასთან, საგარეო საკითხებთან, განათლებასთან დაკავშირებით.
კვლევის საველე სამუშაოები ჩატარდა 8 ივნისი - 6 ივლისის პერიოდში, საქართველოს მასშტაბით, 4 113 პირისპირ ინტერვიუს წარმომადგენლობითი შერჩევის საფუძველზე. ცდომილების ზღვარი 2.1%-ია. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
