2015 წელს აშშ-ის მოქალაქეებმა ქველმოქმედებისთვის რეკორდულად დიდი თანხა $373 მილიარდი გასცეს. Giving USA-ს ანგარიშის მიხედვით, ეს რიცხვი 2014 წლის მაჩვენებელს 4.1%-ით აღემატება.
ქველმოქმედების წილი აშშ-ის მთლიან შიდა პროდუქტში დაახლოებით 2.1%-ია, რაც მას მსოფლიოს ყველაზე ქველმოქმედ ქვეყნად აქცევს. გასულ წელს ყველაზე მეტად 17%-ით გაიზარდა ქველმოქმედება მსოფლიოს ქვეყნების დასახმარებლად და მან ჯამში $15.6 მილიარდი შეადგინა. 8%-ით გაიზარდა და $57 მილიარდი შეადგინა განათლებისთვის გაწეულმა ქველმოქმედებამ. ყველაზე მეტი მოცულობის - $119 მილიარდის საქველმოქმედო შემოწირულობა კი რელიგიურმა ორგანიზაციებმა მიიღეს.
უფრო დეტალურად კი, როგორ იქნა მიმართული $373 მილიარდი, ასე გამოიყურება:
- რელიგიური ორგანიზაციები - მიღებული შემოწირულობა - $119 მილიარდი
- განათლება - მიღებული შემოწირულობა - $57 მილიარდი
- ჰუმანიტარული დახმარება - მიღებული შემოწირულობა - $45 მილიარდი
- საქველმოქმედო ფონდები - მიღებული შემოწირულობა - $42 მილიარდი
- ჯანდაცვა - მიღებული შემოწირულობა - $30 მილიარდი
- სოციალური დახმარება - მიღებული შემოწირულობა - $25.5 მილიარდი
- ხელოვნება/კულტურა - მიღებული შემოწირულობა - $17 მილიარდი
- საერთაშორისო დახმარება - მიღებული შემოწირულობა - $15 მილიარდი
- ცხოველების/გარემოს დაცვა - მიღებული შემოწირულობა - $10 მილიარდი
