იტალიაში მიწისძვრით დაზარალებულ რეგიონებში საგანგებო მდგომარეობა გამოცხადდა.
მიწისძვრის შედეგად დაღუპულთა რაოდენობამ 267-მდე გაიზარდა, 400-ზე მეტი კი დაშავებულია.
დაზარალებულ რეგიონებში 5000-ზე მეტი მაშველი მუშაობს.
იტალიის პრემიერმინისტრმა მატეო რენციმ, დანგრეული ქალაქების რეკონსტრუქციისთვის, ამ ეტაპზე 50 მილიონი ევროს გამოყოფა გადაწყვიტა.
6.2 მაგნიტუდის მიწისძვრა იტალიაში 24 აგვისტოს, ადგილობრივი დროით 03:36-ზე მოხდა. მიწისძვრის ეპიცენტრი რომიდან ჩრდილო-აღმოსავლეთით, 100 კილომეტრის დაშორებით დაფიქსირდა.