Bild-ის ცნობით, გერმანიაში ფრანკფურტის აეროპორტის ორ (A და A+) ტერმინალში ევაკუაცია გამოცხადდა. როგორც გამოცემა წერს, პოლიციამ მგზავრებს შენობის დატოვება აფეთქების საფრთხის გამო სთხოვა.
აეროპორტის პრესსამსახურის ცნობით, განგაშის მიზეზი ის გახდა, რომ აეროპორტის ტერიტორიაზე ერთ-ერთმა მგზავრმა, დაცვის შემოწმების გარეშე შეღწევა შეძლო.
გავრცელებული ცნობებით, ამ დროისათვის ყველა ფრენა გადაიდო და ჯერჯერობით უცნობია აღდგება თუ არა დღის ბოლომდე აეროპორტის მუშაობა.