ელექტრომომარაგების შეზღუდვა

ისნის, გლდანის და საბურთალოს რაიონებს ელექტროენერგია შეზღუდვით მიეწოდება

0 კომენტარი
ფოტო: Reuters

თბილისის სამ რაიონს ელექტროენერგიის მიწოდება დღეს დროებით შეეზღუდება. თელასის ცნობით, ელექტროენერგია შეუწყდება ისნის, საბურთალოს და გლდანის რამდენიმე ქუჩას. კომპანია მიზეზად, ტრადიციულად გეგმურ სამუშაოებს ასახელებს.

ისნის რაიონში, 10:00-დან 18:00-მდე, შეზღუდვა შეეხება: მოსკოვის გამზირის, ბოგდან ხმელნიცკის და ბერი გაბრიელ სალოსის ქუჩების მაცხოვრებლებს. ხოლო 10:00-დან 14:00-მდე - ყვარლის, მესხეთის, ტვიშის და მეველის ქუჩების მაცხოვრებლებს.

საბურთალოს რაიონში, 10:00-დან 17:00-მდე, შეზღუდვა შეეხება: ანა პოლიტკოვსკაიას ქუჩის მაცხოვრებლებს.

გლდანის რაიონში, 10:00-დან 16:00-მდე შეზღუდვა შეეხება: გლდანის მასივის I მიკრორაიონის, ვეკუას და ხიზანიშვილის ქუჩების მაცხოვრებლებს.

"კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება" - აცხადებს თელასი.

ახალი ვიდეო მეტი ვიდეო

გიორგი ცინცაძე

კომენტარები