ხვალ, 8 სექტემბერს, არჩევნებამდე ერთი თვით ადრე, ქართული ოცნება-დემოკრატიული საქართველო საარჩევნო პროგრამის პრეზენტაციას გამართავს.
ქართული ოცნების ცნობით, საარჩევნო პროგრამის ძირითად პრიორიტეტებს საზოგადოებას პრემიერმინისტრი გიორგი კვირიკაშვილი გააცნობს.
საარჩევნო პროგრამის პრეზენტაცია 21:00 საათზე, საგამოფენო ცენტრ „ექსპო ჯორჯიაში", მე-11 პავილიონში გაიმართება.
აქვე შეგახსენებთ, რომ ხვალ, 18:00-ზე იწურება პარტიული სიების წარდგენის ვადა ცენტრალურ საარჩევნო კომისიაში. გარდა საარჩევნო პროგრამისა, ჯერჯერობით, არც ქართული ოცნების საარჩევნო სია არ არის ცნობილი.
