გურიაში, სოფელ ნაგომარში ცოლ-ქმარი დააყაჩაღეს. შემთხვევა 2 დღის წინ მოხდა.
რ2-ის ცნობით, ადგილობრივები ამბობენ, რომ 4-მა ნიღბიანმა პირმა ცოლ-ქმარი სასტიკად აწამა. მათივე თქმით, თავდამსხმელები სახლში ფულის მოთხოვნით შეიჭრნენ. ადგილობრივებისვე ინფორმაციით, მამაკაცს 12 ჭრილობა აქვს, ნაცემია ქალიც.
ორივე დაშავებული სასწრაფო სამედიცინო დახმარების ბრიგადამ საავადმყოფოში გადაიყვანა.
როგორც შსს-ში ტაბულას უთხრეს, გამოძიება დაწყებულია საქართველოს სისხლის სამართლის კოდექსის 179-ე მუხლით, რაც ყაჩაღობას გულისხმობს.
