დიდ ბრიტანეთში Russia Today-ს საბანკო ანგარიშები გაყინეს. ამის შესახებ ტელეკომპანიის მთავარმა რედაქტორმა მარგარიტა სიმონიანმა Twitter-ზე დაწერა.
"დიდ ბრიტანეთში ჩვენი ანგარიშები დახურეს. ყველა ანგარიში. "გადაწყვეტილება გადახედვას არ ექვემდებარება". გაუმარჯოს სიტყვის თავისუფლებას", - წერს სიმონიანი.
ცოტა ხნის წინ Russia Today-ს სანქციები დიდი ბრიტანეთის კომუნიკაციების მარეგულირებელმა Ofcom-მაც დაუწესა. სანქციები უკრაინისა და სირიის კონფლიქტების შესახებ დეზინფორმაციის გავრცელებას უკავშირდებოდა.
ცნობისათვის, Russia Today რუსეთის მთავრობის მიერ დაფინანსებული ტელევიზიაა.
