მალტის საერთაშორისო აეროპორტში თვითმფრინავის ჩამოვარდნას, ბორტზე მყოფი 5-ვე ადამიანი ემსხვერპლა. თვითმფრინავი აფრენიდან რამდენიმე წუთის შემდეგ ჩამოვარდა.
თავდაპირველად გავრცელებული ინფორმაციით, თვითმფრინავში, სავარაუდოდ, ევროკავშირის წარმომადგენლები ისხდნენ, თუმცა, ოფიციალურმა მხარემ ეს ინფორმაცია მალევე უარყო.
ხუთივე დაღუპული საფრანგეთის მოქალაქეა, მათგან 3 თავდაცვის სამინისტროს თანამშრომელი. მათი მიზანი ხმელთაშუა ზღვის ტერიტორიის შემოწმება და არალეგალი მიგრანტებით ან ტრეფიკინგით დატვირთული გემის პოვნა იყო.
როგორც თვითმხილველმა Times of Malta-სთან საუბარში განაცხადა, თვითმფრინავი აფრენიდან მალევე მარჯვნივ გადაიხარა და პირდაპირ ასაფრენი ბილიკის მიმართულებით დაეშვა.
თვითმფრინავი ლიბიის მიმართულებით მიფრინავდა.
ამ დროისთვის მალტას აეროპორტში ფრენები აღდგენილია.
