თბილისში 2019 წელს ხუთვარსკვლავიანი სასტუმრო Hilton Tbilisi გაიხსნება. სასტუმრო ყოფილი სოფლის მეურნეობის სამინისტროს შენობაში განთავსდება. საინვესტიციო შეთანხმება Hilton Worldwide-სა და Granat Georgia-ს შორის დღეს გაფორმდა.
Granat Georgia კოსტავას გამზირზე მდებარე ამორტიზებული შენობის ხუთვარსკვლავიან, 200-ნომრიან სასტუმროდ გადაკეთებაზე $20 მილიონს დახარჯავს.
2015 წელს კომპანია „გრანატსა“ და საქართველოს მთავრობას შორის გაფორმებული ხელშეკრულებით, კომპანიამ აიღო ვალდებულება, თბილისში კოსტავას ქუჩაზე მდებარე ყოფილი სოფლის მეურნეობის სამინისტროს შენობაში გაეხსნა საერთაშორისო ბრენდის 5-ვარსკვლავიანი სასტუმრო.
პროექტი საქართველოში Hilton Batumi-ს შემდეგ ამ ბრენდის მეორე სასტუმრო იქნება.