ევროპარლამენტი

მარტინ შულცი ევროპარლამენტის თავმჯდომარის თანამდებობას ტოვებს

0 კომენტარი
ფოტო: facebook.com/GaribashviliOfficial

ევროპარლამენტის თავმჯდომარე მარტინ შულცმა განაცხადა, რომ ვადის ამოწურვის შემდეგ (2017 წლის იანვარი) თანამდებობას ტოვებს და გერმანიის სოციალ-დემოკრატიული პარტიის საარჩევნო სიას ჩრდილოეთ რაინ-ვესტფალიაში 2017 წლის არჩევნებზე სათავეში ჩაუდგება.

"მივიღე გადაწყვეტილება, კენჭი აღარ ვიყარო ევროპარლამენტის თავმჯდომარის თანამდებობაზე, შემდეგ წელს ბუნდესტაგის არჩევნებზე ჩემი პარტიის საარჩევნო სიას ჩრდილოეთ რაინ-ვესტფალიაში სათავეში ჩავუდგები და მონაწილეობას მივიღებ არჩევნებში", - თქვა შულცმა.

გერმანული მედიის ცნობით, სოციალ-დემოკრატიული პარტია მარტინ შულცს, ვიცეკანცლერ ზიგმარ გაბრიელთან ერთად, გერმანიის კანცლერის თანამდებობაზე შესაძლო კანდიდატად განიხილავს. პარტია საბოლოოდ კანდიდატს იანვარში დაასახელებს. სოციალურ-დემოკრატიული პარტიის კანდიდატი საპარლამენტო არჩევნებში ანგელა მერკელის მეტოქე იქნება.

გარდა ამისა, ვრცელდება ინფორმაცია, რომ მარტინ შულცმა შესაძლოა, გერმანიის საგარეო საქმეთა მინისტრის პოსტზე ფრანკ-ვალტერ შტაინმაიერი შეცვალოს, რომელიც თავად გერმანიის პრეზიდენტობის კანდიდატად არის წარდგენილი.

მარტინ შულცი ევროპარლამენტის თავმჯდომარის თანამდებობას 2012 წლის იანვრიდან იკავებს.

ახალი ვიდეო მეტი ვიდეო

წარსულში ნასამართლევი პირი თბილისში მოპედის ქურდობისთვის დააკავეს

კომენტარები