გორში სინაგოგა გაქურდეს. გავრცელებული ინფორმაციით, წაღებულია ხბოს ტყავზე ხელით ნაწერი უძველესი თორები, ნაწილი კი შენობის უკან, დაზიანებული აღმოაჩინეს.
როგორც შინაგან საქმეთა სამინისტროში ტაბულას უთხრეს, გამოძიება სისხლის სამართლის კოდექსის 177-ე მუხლის მე-2 ნაწილის „ბ" ქვეპუნქტით მიმდინარეობს, რაც ქურდობას სადგომში ან სხვა საცავში უკანონო შეღწევით გულისხმობს. აღნიშნული დანაშაული ისჯება თავისუფლების აღკვეთით ვადით 3-დან 5 წლამდე.
