ფეხბურთი

FIFA: 2026 წლის მსოფლიოს საფეხბურთო ჩემპიონატზე 48 ნაკრები ითამაშებს

0 კომენტარი
ფოტო: Getty Images

FIFA-ს გადაწყვეტილებით, მსოფლიოს ჩემპიონატზე მონაწილე საფეხბურთო ნაკრებების რაოდენობა 32-დან 48-მდე გაიზრდება.

48 გუნდი 16 ჯგუფში გადანაწილდება, პლეიოფის ეტაპზე 3-გუნდიანი ჯგუფიდან 2 გავა. შესაბამისად, პლეიოფში მონაწილეობას 16-ის ნაცვლად 32 გუნდი მიიღებს.

FIFA-მ გადაწყვეტილება კენჭისყრის შედეგად მიიღო.

ამრიგად, ჯამში ტურნირზე 64-ის ნაცვლად 80 მატჩი ჩატარდება და 32 დღეში დასრულდება.

უკანასკნელად, FIFA-მ მონაწილეთა რაოდენობა 1998 წელს გაზარდა.

FIFA-ს ვარაუდით, 48-გუნდიანი ტურნირით, შემოსავალი სავარაუდოდ 5.29 მილიარდ ფუნტამდე და, შესაბამისად, პოტენციური მოგება 521 მილიონ ფუნტამდე გაიზრდება.

მსოფლიო ჩემპიონატი ახალი ფორმატით 2026 წლიდან გაიმართება.

ახალი ვიდეო მეტი ვიდეო

დააკავეს პირი, რომელმაც დიდ დიღომში ქალი ყელის არეში ცივი იარაღით დაჭრა

კომენტარები