საქართველოს პარლამენტის წევრი აზერ სულეიმანოვი ერთიან ნაციონალურ მოძრაობაში რჩება.
“საზოგადოებრივი ინტერესიდან გამომდინარე მინდა განვაცხადო, რომ ვიყავი და ვარ ნაციონალური მოძრაობოს წევრი. ვაგრძელებ პარლამენტში საქმიანობას ამ ფრაქციის რიგებში უკეთესი საქართველოსათვის”, – დაწერა სულეიმანოვმა facebook-ის საკუთარ გვერდზე.
ენმ-ს პარტიული სიით პარლამენტში მოხვედრილი 27 დეპუტატიდან 21-მა პარტია 12იანვარს დატოვა. მათ უკვე ორი ახალი ფრაქცია შექმნეს. ერთიან ნაციონალურ მოძრაობაში 5 დეპუტატი დარჩა - ნიკა მელია, თინა ბოკუჩავა, კობა ნაყოფია, სალომე სამადაშვილი და რომან გოცირიძე. სულეიმანოვის გადაწყვეტილება ენმ-ს საშუალებას მისცემს პარლამენტში ფრაქციის შექმნა შეძლოს.
