შინაგან საქმეთა სამინისტრო ე.წ. ქურდული სამყაროს წინააღმდეგ კანონმდებლობის გამკაცრების ინიციატივით გამოდის. ინიციატივაზე ორგანიზებული დანაშაულის წინააღმდეგ ბრძოლის უწყებათშორისი საკოორდინაციო საბჭოს დღეს გამართულ სხდომაზე იმსჯელეს.
შეხვედრაზე ორგანიზებული დანაშაულის წინააღმდეგ ბრძოლის 2017-2020 წლების ეროვნული სტრატეგიისა და 2017-2018 წლების სამოქმედო გეგმის პროექტები წარადგინეს, რომლებიც საქართველოს მთავრობის ადმინისტრაციას დასამტკიცებლად უახლოეს დღეებში გადაეგზავნება.
