ლონდონის საფონდო ბირჟაზე რამდენიმე ქართული კომპანიის აქციები ივაჭრება. ესენია საქართველოს ბანკის ჯგუფი (BGEO), თიბისი ბანკის ჯგუფი (TBCG LN) და საქართველოს ჯანდაცვის ჯგუფი (GHG LN). Galt&Taggart-ის მიმოხილვის მიხედვით, გასული კვირის მანძილზე ამ კომპანიებიდან, ყველაზე აქტიურად, BGEO ჯგუფის აქციები ივაჭრებოდა, პერიოდის მანძილზე დღიურად 130 ათასი აქცია იყიდებოდა, აქციის ფასი კი £30.6 გირვანქა სტერლინგს შეადგენდა.
BGEO ჯგუფის (BGEO LN) აქციები დაიხურა 30.6 ბრიტანულ ფუნტ სტერლინგში (GBP) (+2.64% წინა კვირასთან შედარებით და -1.29% გასულ თვესთან შედარებით). ვაჭრობის მოცულობამ 624 ათას აქციაზე მეტი შეადგინა, GBP 29.55 – 31.08 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 130 ათასი აქცია შეადგინა. FTSE 250 ინდექსმა, რომელშიც BGEO შედის, წინა კვირასთან მოიმატა 1.86%-ით. ნავაჭრი აქციების მოცულობამ კომპანიის მთლიანი საბაზრო კაპიტალიზაციის 1.58% შეადგინა.
საქართველოს ჯანდაცვის ჯგუფის (GHG LN) აქციები დაიხურა 3.52 ბრიტანულ ფუნტ სტერლინგში (GBP) (-2.08% წინა კვირასთან შედარებით და -0.77% წინა თვესთან შედარებით). ვაჭრობის მოცულობამ 76 ათას აქციაზე მეტი შეადგინა, GBP 3.51 – 3.61 დიაპაზონში. ბოლო 4 კვირის განმავლობაში საშუალო დღიური ვაჭრობის მოცულობამ 21 ათასი აქცია შეადგინა. მოცემულ კვირაში ნავაჭრი აქციების მოცულობამ კომპანიის მთლიანი საბაზრო კაპიტალიზაციის 0.06% შეადგინა.
თიბისი ბანკის (TBCG LN) აქციები დაიხურა 14.97 ბრიტანულ ფუნტ სტერლინგში (+6.32% წინა კვირასთან შედარებით და +6.02% წინა თვესთან შედარებით). ბანკის აქციებით ვაჭრობის მოცულობამ 331 ათასს გადააჭარბა, GBP 14.00 – 15.25 დიაპაზონში. ბოლო 4 კვირის განმავლობაში საშუალო დღიური ვაჭრობის მოცულობამ 62 ათასი აქცია შეადგინა.