ნიდერლანდების განვითარების ბანკს (FMO) TBC ბანკში წილი უკვე აღარ ეკუთვნის, ამის შესახებ ინფორმაციას თავად ბანკი ავრცელებს. აქციების ბოლო ნაწილი FMO-მ 22 მარტს გაყიდა.
FMO-ს მიერ გაყიდული აქციები ბრიტანელმა და ამერიკელმა ინვესტორებმა შეიძინეს.
ნიდერლანდების განვითარების ბანკი TBC ბანკის მხარდამჭერი ოთხი საფინანსო ორგანიზაციიდან ერთ-ერთი იყო, ის ბანკის 4.4%-ს ფლობდა.
ჯამში საერთაშორისო საფინანსო ინსტიტუტები ბანკის სააქციო კაპიტალის 55,8%-ს ფლობდნენ 2014 წლამდე, - სანამ ბანკის აქციების პირველადი შეთავაზება მოხდებოდა ლონდონის საფონდო ბირჟაზე. 2016 წელს კი აღნიშნული წილი 23,2%-მდე შემცირდა. მას შემდეგ რაც FMO-მ აქციები გაყიდა საერთაშორისო საფინანსო ინსტიტუტების აქციების წილი TBC-ის სააქციო კაპიტალში 15,1%-ს შეადგენს.