ფეხბურთი

საქართველოს ფეხბურთელთა ეროვნულმა ნაკრებმა ლატვიას ამხანაგურ მატჩში 5:0 მოუგო

0 კომენტარი

საქართველოს ფეხბურთელთა ეროვნულმა ნაკრებმა ლატვიის ეროვნული ნაკრები ამხანაგურ მატჩში 5:0 დაამარცხა.

შეხვედრას საქართველოსა და ლატვიის პრეზიდენტები ეროვნული ნაკრებების მაისურებით დაესწრნენ და ჰიმნების შესრულებისას მოედანზე ფეხბურთელების გვერდით იდგნენ.

მე-18 წუთზე ჯანო ანანიძემ პენალტი გაიტანა და ანგარიში გახსნა. მეორე გოლი 32-ე წუთზე გიორგი ქვილითაიამ გაიტანა. მეორე ტაიმში ქვილითაიამ და ანანიძემ დუბლები შეასრულეს. ხოლო 90-ე წუთზე საბოლოო ანგარიში 5:0 გიორგი არაბიძემ დააფიქსირა.

საქართველოს საფეხბურთო ნაკრები მომავალ შეხვედრას მსოფლიოს ჩემპიონატის შესარჩევ ციკლში, 11 ივნისს, სტუმრად მოლდოვასთან ჩაატარებს.

ახალი ვიდეო მეტი ვიდეო

დააკავეს პირი, რომელმაც დიდ დიღომში ქალი ყელის არეში ცივი იარაღით დაჭრა

კომენტარები