"თბილისის თამბაქოს" თანამშრომლებმა დღეს ევროპული საქართველოს ოფისთან აქცია გამართეს. აქციის მონაწილეები ზურაბ ჭიაბერაშვილის განცხადებას აპროტესტებდნენ, სადაც ჭიაბერაშვილი სასამართლოებში არსებულ კორუფციულ გარიგებებზე საუბრობდა.
თამბაქოს საერთაშორისო ბრენდები - ფილიპ მორისი და ბრითიშ ამერიკან ტობაკო მოსამართლე ვლადიმერ კაკაბაძემ ქართული კომპანიების - "თბილისის თამბაქოს" (სიგარეტი პირველი) და ომეგა ჯგუფის საჩივრის საფუძველზე დააჯარიმა. ბრითიშ ამერიკან ტობაკო 270 მილიონი ლარით დაჯარიმდა, ფილიპ მორის საქართველო - 93 მილიონი ლარით.
სავაჭრო პალატისა და ოპოზიციის წარმომადგენლების გარდა, სასამართლოს გადაწყვეტილებას არასამთავრობო სექტორიც აკრიტიკებს.
