შინაგან საქმეთა სამინისტრომ 2.7 ტონა ნაყინის შესყიდვაზე ტენდერი გამოაცხადა. ტენდერის სავარაუდო ღირებულება 22.6 ათასი ლარია. ტენდერში ჯერჯერობით არცერთ კომპანიას არ წარუდგენია საკუთარი შეთავაზება.
სატენდერო მოთხოვნები ასეთია:
"თითოეული მოწოდებული პარტია უნდა იყოს უმაღლესი ხარისხის. ფერი თეთრი, სუნი და გემო სიმჟავისა და არადამახასიათებელი გემოს გარეშე. საქონლის მიწოდების ვადა: ხელშეკრულების გაფორმებიდან 2017 წლის 30 სექტემბრის ჩათვლით, 3 დღეში ერთხელ, შემსყიდველთან წინასწარ შეთახმებული გრაფიკის შესაბამისად".
2.7 ტონა ნაყინი შსს-ს თანამშრომლებისთვისაა განკუთვნილი.
შინაგან საქმეთა სამინისტრომ ასევე გამოაცხადა ტენდერი 43.7 ტონა შესქელებული რძის შეძენაზე, აღნიშნული ტენდერის ღირებულება 209 ათასი ლარია.
