ძალადობა

სასამართლომ 8 წლის შვილის ცემისთვის მამას 2-წლიანი პატიმრობა მიუსაჯა

0 კომენტარი
ფოტო: Shutterstock

თბილისის საქალაქომ სასამართლომ 8 წლის შვილის მიმართ ჩადენილ ძალადობაში ბრალდებული ვ.ლ. დამნაშავედ სცნო და 2 წლით თავისუფლების აღკვეთა მიუსაჯა - ინფორმაციას პროკურატურა ავრცელებს.

"დადასტურდა, რომ 2017 წლის 24 იანვარს, ქ.თბილისში, გლდანის რაიონში დაახლოებით 12:00 საათზე, ვ.ლ.-მ 8 წლის შვილს მიაყენა ფიზიკური შეურაცხყოფა, რა დროსაც ურტყამდა სახის და ზურგის არეში. ვ.ლ.-ს ქმედებით მცირეწლოვანმა გოგონამ ფიზიკური ტკივილი განიცადა"- წერია განცხადებაში.

ვ.ლ-ს ბრალდება სისხლის სამართლის კოდექსის 1261-ე მუხლის მე-2 ნაწილის "ა" ქვეპუნქტით წარედგინა, რაც გულისხმობს ოჯახის ერთი წევრის მიერ მეორის მიმართ ძალადობას, ჩადენილს არასრულწლოვნის მიმართ, რამაც დაზარალებულის ფიზიკური ტკივილი გამოიწვია.

ახალი ვიდეო მეტი ვიდეო

შსს: დავაკავეთ 6 პირი, რომლებმაც საქმის გასარჩევად "კანონიერ ქურდს", ბურდღუნიჩას მიმართეს - VIDEO

კომენტარები