აშშ-ის პრეზიდენტმა დონალდ ტრამპმა თურქ კოლეგას, რეჯეფ თაიფ ერდოღანს რეფერენდუმში გამარჯვება მიულოცა, რის საფუძველზეც თურქეთის პრეზიდენტი უფლებამოსილებებს მნიშვნელოვნად იფართოებს.
ტრამპმა სატელეფონო საუბრისას ასევე მადლობა გადაუხადა ერდოღანს 7 აპრილს სირიის რეჟიმის ბაზის დაბომბვის მხარდაჭერის გამო.
თურქეთში კი, რეფერენდუმის შედეგების საპროტესტოდ გამართული მასშტაბური დემონსტრაციის პარალელურად, საგანგებო მდგომარეობა 3 თვით გახანგრძლივდა.
საკონსტიტუციო ცვლილებებს რეფერენდუმში თურქეთის მოქალაქეების 51.4%-მა დაუჭირა მხარი.
ერდოღანმა არ გაიზიარა საერთაშორისო დამკვირვებლების კრიტიკა, რომ ის "არათანასწორ კამპანიას" აწარმოებდა და იყენებდა სახელმწიფო რესურსებს. "იცოდეთ თქვენი ადგილი", - მიმართა მან დამკვირვებლებს.
