საქართველოს ბანკი ქვეყანაში არსებული საქველმოქმედო ფონდების ერთიან ონლაინ პლატფორმას www.donate.ge ქმნის. ხსენებული პლატფორმის საშუალებით ნებისმიერ მსურველს შესაძლებლობა აქვს, ონლაინ რეჟიმში მარტივად გადარიცხოს თანხა მისთვის სასურველ ფონდში. მნიშვნელოვანია, რომ ფონდის ანაგრიშზე ისახება ზუსტად ის თანხა, რასაც მომხმარებელი გადარიცხავს, ანუ მომხმარებლის მიერ გაწეული შესაწირიდან არ იქვითება საკომისიო. შესაბამისად, საქველმოქმედო ფონდები თანხების შეგროვებას საკომისიოს დაქვითვის გარეშე შეძლებენ. პლატფორმაზე donate.ge ასევე თავმოყრილია ინფორმაცია ფონდების საქმიანობის შესახებ. თანხის გადარიცხვა მომხმარებელს ნებისმიერი საბანკო ბარათით შეუძლია.
საქველმოქმედო პლატფორმაზე donate.ge გაერთიანებულია საქართველოში მოქმედი ფონდები: WeHelp, "სოლიდარობის ფონდი", ფონდი "იავნანა", "დიტო ცინცაძის ფონდი" და ფონდი "სიცოცხლის ხე". უახლოეს მომავალში დაემატება სხვა ფონდებიც.
დამატებითი ინფორმაციისთვის და თანხის გადარიცხვისთვის, იხილეთ: donate.ge
