საქართველოს პრემიერმინისტრთან შეხვედრას აშშ-ის პრეზიდენტი დონალდ ტრამპი Twitter-ზე ეხმაურება.
"ჩემთვის პატივი იყო საქართველოს პრემიერმინისტრ გიორგი კვირიკაშვილის თეთრ სახლში მასპინძლობა" - წერს ტრამპი.
საქართველოს პრემიერმინისტრი გიორგი კვირიკაშვილი აშშ-ის პრეზიდენტს დონალდ ტრამპს და ვიცეპრეზიდენტ მაიკ პენსს დღეს შეხვდა. პრემიერმინისტრის თქმით, "აშშ-ის პრეზიდენტის მხრიდან ასევე მივიღეთ მკაფიო გზავნილები საქართველოს მიმართ მხარდაჭერის თაობაზე".
საქართველოს პრემიერი გიორგი კვირიკაშვილი აშშ-ში სამდღიანი ოფიციალური ვიზიტით ვიცეპრეზიდენტ მაიკ პენსის მიწვევით იმყოფება.
