ფეხბურთი

ივანკა ტრამპს რომის ლაციოს ლეგენდარული ფეხბურთელი წმინდანი ეგონა

0 კომენტარი
ფოტო: Reuters

გუშინ, დონალდ ტრამპთან ერთად იტალიის დედაქალაქ რომში მყოფ აშშ-ის პრეზიდენტის შვილსა და მრჩეველ ივანკა ტრამპს რომის ლაციოს ლეგენდარული ფეხბურთელი ჯორჯო კინალია წმინდანში აერია.

როგორც რესტორანი Le cave di Sant’Ignazio-ს მფლობელმა Huffington Post Italia-სთან აღნიშნა, მის რესტორანში ძალიან ბევრი სურათია, მათ შორის რელიგიური ხასიათისაც, ივანკა ტრამპი კი ჯორჯო კინალიას ფოტოსთან შეჩერდა, რომელზეც ფეხბურთელი უბრალოდ ცას უყურებს და იკითხა "ეს რომელი წმინდანია?"

ფოტო: EPA

"ჩვენ კი ავუხსენით, რომ ეს ფოტო არა წმინდანის, არამედ ლაციოს ლეგენდარული ფეხბურთელის იყო", - ამბობს ლუიჯინა პანტალონე.

ჯორჯო კინალია რომის ლაციოში 1969-76 წლებში ასპარეზობდა. ამ პერიოდში მან კლუბის მაისურით 208 მატჩი ჩაატარა და 98 გოლიც გაიტანა. 1973-74 წლებში იგი ლაციოსთან იტალიის ჩემპიონი გახდა, 74-75 წლებში კი ჩემპიონატის საუკეთესო ბომბარდირი. ამის შემდეგ კინალია ამერიკაში, ნიუ იორკის კოსმოსში თამაშობდა, სადაც 213 თამაშში 193 გოლი გაიტანა.

2002 წელს 65 წლის ასაკში, კინალია ფლორიდის შტატის ქალაქ ნეიპლესში გარდაიცვალა.

ახალი ვიდეო მეტი ვიდეო

ირაკლი ტაბლიაშვილი

კომენტარები