სეტყვა

დელტა: კახეთში სეტყვის შესაჩერებლად 150 რაკეტა გავისროლეთ

0 კომენტარი

სეტყვის საწინააღმდეგო რაკეტების ოპერატორი კომპანია დელტა კახეთში სეტყვასთან დაკავშირებით განცხადებას ავრცელებს. სახელმწიფო კომპანიის ინფორმაციით, მათ 27 მაისს კახეთის რვავე რაიონში სეტყვასაშიში ღრუბლების გასანეიტრალებლად 150 რაკეტა გაისროლეს.

"სსსტც დელტას სეტყვის საწინააღმდეგო სისტემამ დღეს 27 მაისს კახეთის რვავე რაიონში დასავლეთიდან შემოსული მასშტაბური ფრონტალური ტიპის სეტყვასაშიში ღრუბლის მასები გაანეიტრალა. ამ ეტაპზე ნასროლია 150 მდე რაკეტა, სისტემა ამ დრომდე აგრძელებს ჩრდილო და სამხრეთ-დასავლეთიდან ეტაპობრივად შემომავალი ფრონტალური ღრუბლის მასების აქტიურ დამუშავებას.

ფრონტალურმა ღღუბლის მასებმა რეგიონში შემოსვლა დღის მეორე ნახევრიდან დაიწყო, 
19:30 საათისთვის ახმეტის, საგარეჯოს, თელავის, გურჯაანის, სიღნაღის, დედოფლისწყაროს, ყვარელის და ლაგოდეხის რაიონებში ღრუბლის მასები 150 ზე მეტი რაკეტით ეტაპობრივად დამუშავდა, ღრუბლის გადაადგილების საშუალო სიჩქარე 50 მ/წმ იყო, სეტყვის მოსვლის ალბათობა 90 %, რეგიონში ღრუბელმა უკვე ჩამოყალიბებული სეტყვის მარცვლები შემოიტანა საშუალო ზომით 20-30 მმ. სისტემა ამ დროისთვისაც აქტიური დამუშავების რეჟიმში მუშაობს", - წერია სახელმწიფო კომპანიის განცხადებაში.

ახალი ვიდეო მეტი ვიდეო

ცოლის ცემისთვის თბილისში 34 წლის კაცი დააკავეს

კომენტარები