საქართველოს პრემიერმინისტრი ლონდონში მომხდარი ტერაქტის გამო მწუხარებას გამოთვამს და ბრიტანელ ხალხს და მთავრობას უსამძიმრებს.
"ძალიან ვწუხვარ ლონდონში მომხდარი ტერორისტული თავდასხმების გამო, რომლებსაც კვლავ შეეწირნენ უდანაშაულო ადამიანები - დაღუპულია 6 და დაშავებულია ათობით ადამიანი. თანავუგრძნობ და ვუსამძიმრებ დაღუპულების ოჯახებს, ბრიტანელ ხალხსა და მთავრობას. ამ მძიმე წუთებში ჩვენ მათ გვერდით ვდგავართ."- წერია პრემიერმინისტრის მიერ გავრცელებულ განცხადებაში.
ლონდონში ტერაქტი გუშინ საღამოს ლონდონის დროით 22:00 საათზე მოხდა. სატვირთო ავტომობილი ლონდონის ხიდზე ფეხით მოსიარულეებს დაეჯახა. ბოლო ინფორმაციით დაიღუპა 6 და დაშავადა 48 ადამიანი.