ტელეწამყვან ლევან როსტოშვილსა და მსახიობ ლაშა კურტანიძეს სასჯელის ვადა შეუმცირდათ.
როგორც ტაბულას სააპელაციო სასამართლოს პრესსამსახურში განუცხადეს, სასამართლოში გაფორმდა საპროცესო შეთანხმება, რომლის მიხედვითაც რეალური სასჯელის ვადად - ლევან როსტოშვილს 3 წელი, ხოლო ლაშა კურტანიძეს კი 1 წელი განესაზღვრა.
რეალურ სასჯელთან ერთად, ორივე მათგანს პირობითი სასჯელიც მიესაჯა - როსტოშვილს 4 წელი, კურტანიძეს კი 3 წელი.
ასევე, საპროცესო შეთანხმების თანახმად, თითოეულ მათგანს ჯარიმის სახით - 40 ათასი ლარის გადახდა დაეკისრა.
2017 წლის 23 მარტს, ტელეწამყვან ლევან როსტოშვილს MDMA-ის უკანონო შენახვა-შეძენისთვის 8 წლით თავისუფლების აღკვეთა მიუსაჯეს, ხოლო მსახიობ ლაშა კურტანიძეს - 5 წელი.
