საქართველოს საპატრიარქოს ბაკურციხის კულტურის ცენტრის შენობა გადაეცა. მისი ღირებულება 3 045 300 ლარზე მეტია. ახლადრეაბილიტირებული შენობის საპატრიარქოსთვის გადაცემის საკითხს გურჯაანის საკრებულოში დღეს უყარეს კენჭი და გადაწყვეტილება ერთხმად მიიღეს.
საზოგადოებრივი მაუწყებლის ინფორმაციით, კულტურის ცენტრი საპატრიარქოს კულტურულ-საგანმანათლებლო და სამეწარმეო სახლის გახსნის მიზნით, პირდაპირი განკარგვის წესით გადაეცა.
ბაკურციხის კულტურის ცენტრის რეაბილიტაცია 2017 წლის იანვარში დასრულდა და ის ორ მილიონ ლარზე მეტი დაჯდა. შენობას რეაბილიტაცია საქართველოს მთავრობის და მსოფლიო ბანკის თანადაფინანსებით ჩაუტარდა.