უკრაინა

ახალ უკრაინულ სოც. ქსელში რეგისტრაცია, მათ შორის, აკრძალული VKontakte-დანაც შეიძლება

0 კომენტარი
ფოტო: Ukrainians

უკრაინაში ახალი სოციალური ქსელი Ukrainians იქმნება, რომელიც ოფიციალურ მოხმარებაში, 4 თვეში ჩაეშვება. ახალი სოციალური ქსელი ამ დროისთვის beta რეჟიმში მუშაობს.

Ukrainians-ზე რეგისტრაცია ამ დროისთვის შესაძლებელია: ელექტრონული ფოსტის, Facebook-ის და უკრაინაში აკრძალული რუსული სოციალური ქსელის VKontakte-ს საშუალებით.

ახალი უკრაინული სოციალური ქსელის შექმნის შესახებ ინფორმაცია Facebook-ზე Ukrainians-ის არაოფიციალური გვერდის შექმნის შემდეგ გახდა ცნობილი.

"აღნიშნული პერიოდის განმავლობაში, ვგეგმავთ პერიოდულად გაგაცნოთ ახალი სოციალური ქსელის ფუნქციების შესახებ. 100 000 პირის დარეგისტრირების შემდეგ დაელოდეთ ახალ ფუნქციებს - "მეგობრები" და "ახალი ამბები" ",-ნათქვამია ახალი სოციალური ქსელის განცხადებაში.

უკრაინის ხელისუფლებამ რუსული კომპანიების წინააღმდეგ სანქციები გასულ თვეს დააწესა. სანქციები ისეთ სოციალურ ქსელებსაც ეხება, როგორიცაა "ВКонтакте" და "Одноклассники", ასევე Mail.Ru-ს ჰოლდინგს, რომელშიც სხვა სოციალური ქსელებია გაერთიანებული და "Яндекс"-ს.

უკრაინის შინაგან საქმეთა სამინისტრომ, ჯერ კიდევ თებერვლის დასაწყისში დაიწყო რუსული სოციალური ქსელების აკრძალვაზე საუბარი.

Gemius-ის მიერ ჩატარებული კვლევის თანახმად, "ВКонтакте"-თი 5,4 მილიონი უკრაინელი სარგებლობს, "Одноклассники"-თ 3 მილიონი, ხოლო Facebook-ით 2,1 მილიონი. 

ახალი ვიდეო მეტი ვიდეო

პოლიციამ სტუმრების ცემისთვის ბარის დაცვის 2 თანამშრომელი დააკავა (ვიდეო)

კომენტარები