აშშ-ის ვიცეპრეზიდენტმა მაიკ პენსმა ფინანსთა მინისტრი (ხაზინის მდივანი) სტივ მანუჩინი დააქორწინა. 54 წლის მანუჩინი 36 წლის მსახიობ ლუის ლინტონზე დაოჯახდა. მათ ქორწილს დონალდ ტრამპი, პირველი ლედი და მინისტრთა კაბინეტის წევრები ესწრებოდნენ.
53 წლის მანუჩინი 17 წლის მანძილზე საინვესტიციო ბანკ Goldman Sachs-ში აღმასრულებელ თანამდებობაზე მუშაობდა, საიდანაც მან ჰოლივუდში გადაინაცვლა. მანუჩინმა 2004 წელს დააფუძნა Dune Entertainment-ი, რომელმაც ჯამში $500 მილიონით დააფინანსა Twentieth Century Fox-ის ფილმები. მანუჩინის კომპანია უშუალოდ მონაწილეობდა ისეთი ფილმების დაფინანსებაში, როგორიცაა იქს ადამიანების ფრენჩაიზი, ეშმაკი ატარებს პრადას, შავი გედი და ყველა დროის ყველაზე შემოსავლიანი ფილმი ავატარი, რომელმაც ბილეთების გაყიდვით $2.79 მილიარდზე მეტი მოაგროვა. მანუჩინმა ლუის ლინტონი სწორედ ჰოლივუდში გაიცნო.